అల్లరి నరేష్ ఇప్పుడు బందిపోటు అవతారం దాల్చాడు. అష్టాచెమ్మా ఆడించి, అంతకు ముందు, ఆ తరువాత అంటూ ప్రేమకథ చూపించిన దర్శకుడు మోహన కృష్ణ ఇంద్రగంటి ఇప్పుడు బందిపోటును తయారుచేస్తునాడు. ఈవీవీ పతాకంపై తయారైన ఈ బందిపోటు దాదాపు అన్ని పనులు పూర్తి చేసేసుకుంటోంది. జనవరి చివరి నుంచి ఫిబ్రవరి నెలాఖరులోపు ఏ క్షణంలోనైనా బందిపోటు బాక్సాఫీసుపై దాడి చేసే అవకాశం వుంది. అందుకు హెచ్చరికగా అన్నట్లు ఈరోజు ఫస్ట్ లుక్ విడుదల చేసారు. ఈటెలు, కత్తులతో అమర్చిన సింహాసనాన్ని అధిష్టించిన అల్లరి నరేష్ భలే కొత్తగా వున్నాడు. క్యారెక్టర్ కొత్తగా వుందని ట్రయి చేసి వుంటాడు..లోపల కామెడీ అలాగే వుండి వుంటుంది. అందులో డౌటే లేదు.
